ჯონი დეპი უახლოეს მომავალში კარიერის დასრულებას გეგმავს. ამის შესახებ მსახიობმა ისაუბრა თავის ერთ-ერთ ბოლო ინტერვიუში.

"არ მინდა ვთქვა, რომ მზად ვარ ნებისმიერ წამს წავიდე კინოდან, მაგრამ შემიძლია გითხრათ, აღნიშნული უკვე ახლოა. გარკვეულ მომენტში იაზრებ წელიწადის განმავლობაში წარმოთქმული ფრაზების რაოდენობას და ხვდები, რომ უცხო ფრაზებს საკუთარზე მეტად გამოთქვამ და ეს უკვე ზედმეტია ადამიანისთვის. ხვდები, რომ იქნებ ჯობს, უფრო წყნარი საქმით დაკავდე? დიახ, მე ზუსტად ასე ვთვლი."-განაცხადა მან.

დეპს არ დაუზუსტებია, რომელი ფილმი იქნება უკანასკნელი მის კარიერაში. შეგახსენებთ, რომ მსახიობს რამოდენიმე კონტრაქტზე ხელი უკვე მოწერი აქვს. მათ შორის გახლავთ "კარიბის ზღვის მეკობრეების" მეხუთე ნაწილიც.