ვარსკვლავები საუკეთესო ვარსკვლავური ფეხსაცმელი გასულ კვირაში 2013, 9 აგვისტო, 10:09 ვარსკვლავი ქალბატონებისთვის გასული დღეები დატვირთული იყო წვეულებებით, მიღებებით, კინო-პრემიერებით. მათაც კიდევ ერთხელ იხელთეს დრო და გამოეწყვნენ დიზაინერულ ფეხსაცმელებში. ცნობილი ქალბატონების არჩევანი ამჯერადაც საკმაოდ მრავალფეროვანი, მოდური და მიმზიდველი აღმოჩნდა.
კრისტინა აგილერას სიმღერის გარდა, გემოვნებიანი ჩაცმაც კარგად გამოსდის. ჰოლივუდში ტელეკომპანია NBCUniversal's მიერ გამართულ წვეულებაზე კრისტინა მომხიბვლელად გამოიყურებოდა Alaia-ს კაბაში, რომელსაც Christian Louboutin-ის მაღალქუსლიანი, ღია ცხვირიანი პასტელის ფერის ფეხსაცმელი შეუხამა. Christian-Louboutin ჯენიფერ ლოპესმა საკუთარი მაღაზია გახსნა ნიუ-იორკში და გახსნის ცერემონიაზე Elie Saab -ის თეთრ კაბას და Tom Ford-ის ასევე თეთრ ფეხსაცმელებში გამოწყობილი გამოცხადდა, რომელიც ოქროსფერი დეტალით იყო გაფორმებული. Tom Ford ჯენიფერ ენისტონი ნიუ-იორკში გამართულ ახალი ფილმის "ჩვენ მილერები ვართ" პრემიერაზე Burberry-ის ატლასის კაბას და Casadei-ის შემოდგომის კოლექციის ხავერდის სანდლებში იწონებდა თავს. მსახიობი მართლაც საუცხოოდ გამოიყურებოდა. CASADEI-PREFALL-2013 გასულ კვირაში დიდი პოპულარობით სარგებლობდა Christian Louboutin-ის ღია სანდლები. კეიტ მოსმა შავი ფერის კაბას Christian Louboutin-ის კოლექციის ფერადი მოდელი შეუხამა. მირანდა კერიმ სტაფილოსფერ ატლასის კაბას მსგავსი ფორმის, მაგრამ სხვა ბრენდის Bionda Castana-ს ლეოპარდის პრინტიანი დახურული ფეხსაცმელი შეურჩია. ჯესიკა ჩესტეინმა და ეშლი ტისდეილმაც არჩევანი Christian Louboutin-ზე შეაჩერეს და არც შემცდარან. სანდლები შესანიშნავად შეეხამებოდა მათ სამოსს. ჯესიკა ჩესტეინი Dolce&Gabbana-ს კაბას და Christian-Louboutin-ს ფეხსაცმელებში იტალიაში გამართულ ფილმების ფესტივალზე. ეშლი ტისდეილი მეტად მომხიბვლელად გამოიყურებოდა Christian-Louboutin-ის სანდლებში კალიფორნიაში გამგზავრებისას. Nicholas Kirkwood-ის განსხვავებული მოდელი მოირგეს ჯენიფერ ლოურენსმა და ქეით ბლანშეტმა. ოსკაროსანმა მსახიობმა ლოურენსმა უპირატესობა ბრენდის მაქმანისგან დამზადებულ ნავისებური ფორმის ფეხსაცმელს მიანიჭა, ხოლო ქეითმა შავი ფერის მძივებით გაფორმებული მოდელი შეარჩია. ჯენიფერ ლოურენსი ქეით ბლანშეტი Nicholas Kirkwood რიანა ლონდონის ღამის კლუბში Cirque Du Soir გამართულ წვეულებას Roberto Cavalli-ის წაწვეტებულ ცხვირიან პითონის ტყავის სანდლებში სტუმრობდა, რომელიც თეთრი ფერის ვიწრო შარვალში გამოწყობილი მომღერლის ფეხებს უფრო მოხდენილად წარმოაჩენდა. რიანა Roberto Cavalli გაზაფხული 2013 კოლექცია 297 4-ს მოსწონს 1-ს არა
|