პატრიოტიზმიდან გადმოვინაცვლოთ ქართულ სუფრაზე და თვალი შევავლოთ ამ ყველაფერს.
ჩვენი უდიდესი წარსულის მაცნე, ურთულესი, უხარისხო, უდიდესი, უაზროც ალბათ მიხვდით სადღეგრძელოები, რომლებიც მე ასე მთრგუნავენ, მაღიზიანებენ.ქართველი კაცი ან ქალი მხოლოდ ქართულ სუფრაზე სწავლობს მოთმენას.სადაც ერთ სადღეგრძელოში ვატევთ სიყალბეს და უდიდეს სიყვარულს.ქართველს ქართველი მხოლოდ სუფრაზე, სიმთვრალეში, სადღეგრძელოების დროს უყვარდება.თუმცა ეს იდილიაც არ გრძელდება დიდხანს.კარგად შემთვრალი ქართველი ივიწყებს წინა სადღეგრძელოში ჩაქსოვილ სიყვარულს და იწყებს თავისი თანასუფრელის ცემას.იწყება ჩხუბი, აყალმაყალი და ერთი-ორი შუაში ჩამდგარ ქალსაც ხვდება.გაწელილი, ჩხუბში გადაზრდილი, მოჩვენებითი სიყვარულის არ მჯერა.
