ეს საოცრება - ბეწვიანი მამონტი თავის ასაკთან შედარებით საუცხოოდ გამოიყურება. მისი ასაკი კი "მხოლოდ" 39 000 წელია. პრეისტორიული სპილო, რომელსაც სახელად იუკა დაარქვეს, საოცრად კარგადაა შენახული. ის ციმბირის ყინულებში იპოვეს. იუკა 11 წლის ყოფილა, როცა რომელიღაც ცხოველთან ბრძოლაში დაღუპულა. მისი ნარჩენები გასული წლის მარტში იქნა აღმოჩენილი. მამონტის ნარჩენები იოკოგამას(იაპონია) გამოფენაზე იქნა გაგზავნილი. ასეთია საიფორმაცო სააგენტოს The Sun -ის ინფორმაცია, მაგრამ სხვა წყაროების მიხედვით, ის 10 000 წლის ყოფილა (ჩვენთვის ამას განსაკუთრებული მნიშვნელობა არ უნდა ჰქონდეს) მთავარი ისაა, რომ მისი მხოლოდ ძვლები კი არა, რბილი ქსოვილები(ხორცი) და ბეწვიცაა შემონახული. ეს კი მართლაც განსაკუთრებული მოვლენაა. ექსპერტებმა გამოიკვლიეს მისი სხეული. მათი დასკვნებით, მამონტს ლომი გამოჰკიდებია, რასაც მის სხეულზე არსებული ჭრილობები და დაკბენილი კუდი ადასტურებს. ლომისგან დაგლეჯილი მამონტი ადამიანებს ჩავარდნია ხელში, ნახევარი შეუჭამიათ, ხოლო მეორე ნახევარი ყინულში ჩაუფლავთ შესანახად.
მეცნიერების ვარაუდით, ადამიანები მის ცხიმს იყენებდნენ, ხოლო ძვლებს რაღაც რელიგიური რიტუალისთვის ხმარობდნენ.
მამონტს წითელი ფერის ბეწვი აქვს. მამონტის წითელი ბეწვი მისი გენეტიკური კოდის შესახებ იძლევა ინფორმაციას. მეცნიერები ვარაუდობენ, რომ შესაძლებელია მისი კლონის შექმნა და გაცოცხლება. ასე რომ ელოდეთ, ხვალ თუ არა, რამდენიმე წელში შეიძლება ნამდვილი, ცოცხალი მამონტი ვიხილოთ.![საოცარი აღმოჩენა - შეძლებენ თუ არა
მეცნიერები მამონტის გაცოცხლებას? image](http://server2.intermedia.ge/article_images/small/201307/2013071019362612559.jpg)
http://www.youtube.com/watch?v=jW6vm8Z4I5A