ეს ხუმრობა როდია, სურათზე ნაჩვენები კურდღელი ნამდვილია. ასევე ნამდვილია მისი რქებიც. ეს კურდღელი, რომელსაც მთელი თავი რქებით აქვს გავსილი ინტერნეტ სივრცეში ვიდეო გვერდის ჰიტად იქცა. კურდღელი 20 წლის გუნარ ბოეტჩერმა გადაიღო და ატვირთა You tube-ზე. გუნარი ამერიკელია, მინესოტიდან. უცნაური კურდღელი მის ბაღში შეძვრა. ბიჭს ძალიან გაუჭირდა და დიდი დროც დასჭირდა, რომ ცხოველი გადაეღო. მეცნიერების აზრით, კურდღელს აქვს პაპილომა ვირუსი, რის შედეგადაც თავის სხვადასხვა ნაწილში აქვს რქოვანი წამონაზარდები. ცოტა ხნის შემდეგ ეს წამონაზარდები ძალიან მტკივნეული გახდება და კურდღელი ვეღარ შეძლებს ჭამას. სავარაუდოდ ის შიმშილით დაიღუპება.