ამერიკელი მსახიობის, ჰოლივუდის ლეგენდის, სამჯერ ოქროს გლობუსის მფლობელის და ორჯერ კინომსახიობთა გილდიის პრემიის ლაურეატის, ოსკაროსანი მსახიობის და მსოფლიოს უმშვენიერეს ქალბატონად აღიარებულ ანჯელინა ჯოლი ვოიტის ვარცხნილობა ადრეული ასაკიდან დღემდე მართლაც საინტერესოა მისი თაყვანისმცემლებისათვის.ქალბატონი, რომელმაც არა ერთ მამაკაცს დაუკარგა ძილი და მოსვენება, დედა, რომელიც 6 შვილს ზრდის, მეუღლე, რომელზეც ამაყად და გულრწფელი სიყვარულით საუბრობს ბრედ პიტი და ბოლოს მსახიობი, რომელსაც არც თუ ტკბილი მოგონებები აკავშირებს თავის წარსულთან და სკოლასა თუ თეატრალურ ინსტიტუტში გატარებულ ბავშვობის წლებთან.

ცნობილი ფაქტია, რომ ანჯელინას ოჯახს ძალიან უჭირდა და იგი ყოველთვის მეორადი ტანსაცმელით ჩნდებოდა თავის თანატოლებთან.გოგონა, რომელიც დღეს ულამაზეს ქალბატონად ითვლება, ბავშვობაში ერთი სასწაულად გამხდარი, სათვალიანი და კბილებზე დამაგრებული ფირფიტებით სასაცილოდ გამოიყურებოდა, რაც მუდამ თანატოლების დამცინავ საუბრებში აისახებოდა.ამბობენ, სწორედ ეს ფაქტი გახდა ადრეულ ასაკში ერთ -ერთი მიზეზი საკუთარი თავის მიმართ პატივისცემის დაკარგვისა, რასაც თან ერთოდა თავდაპირველი წარუმატებელი ნაბიჯები სამოდელო კარიერაში.

დღეს კი ანჯელინა ჯოლი ვოიტი მსოფლიოს გულთამპყრობელია თავისი გარეგნობით, გამორჩეული და თვალშისაცემი ვარცხნილობითა და ექსტრავაგანტულობით.