ნინი ბადურაშვილი ქმარს დაშორდა, თვეების მანძილზე გავრცელებული ჭორები სიმართლე აღმოჩნდა, ურთიერთობამ მხოლოდ რამდენიმე თვე გასტანა. ნინი და მისი გარემოცვა დღემდე არ ახმაურებდა მომხდარს, ყველაფერს ფარდა მომღერლის მეუღლემ, ირაკლი კუტალაძემ ახადა. დღეს ჟურნალ "თბილისელებში" ირაკლის ინტერვიუ გამოქვეყნდა. მისი მტკიცებით, ბოლო 5 თვის მანძილზე ნინის ირაკლისთვის ერთხელაც კი არ მიუწერია, ჩვენ ურთიერთობა არ ვაქვსო. "ამ ყველაფერის მიზეზი მარტივია: მე მაქვს საფუძვლიანი ეჭვი, ვიფიქრო, რომ ნინის მიზანი იყო კანონიერად გათხოვილიყო და ქორწინებიდან გაეჩინა შვილი. ქმარი და ოჯახის შექმნა მის გეგმებში არ შედიოდა. ძნელია იმის აღიარება, რომ შენს ცოლს საერთოდ არ სჭირდები"-გვიამბობს ირაკლი. მისივე მტკიცებით, ნინი ორმაგი სტანდარტით თამაშობს, პრესაში მეუღლეს აქებს, ხალხში კი ის და მისი ოჯახის წევრები ლანძღავენ. ირაკლი არ უარყოფს, რომ ქორწინების ინიციატორი თავად იყო, ნინი ურთიერთობაში შემიყვარდა, მეგონა მასაც ვუყვარდი, რადან ჯვრისწერაზე უსიტყვოდ დამთანხმდაო. "მშობიარობის შემდეგ, როდესაც მთელი საქართველო დაინახავს, მე ნინის გვერდით არ ვარ, მაშინ ამ ფაქტს გამოიყენებს, ისევ საკუთარი პიარისთვის-ნახეთ ქმარმა სამშობიაროში მიატოვაო. ესეც მისი გეგმის ნაწილია და ამას, ალბათ მოყვება მოთხოვნები"-დასძენს ირაკლი. განსხვავებული პოზიცია დააფიქსირა ნინის ბებიამ, ქალბატონმა ლალი ბადურაშვილმა. მისი თქმით, ირაკლი ნინისთვის დროს ვერ პოულობდა, ნინი კი მთელი დღის მანძილზე მარტო იყო სახლში: "ნინის მარტო უწევდა ყოფნას. ამბობდა, ირაკლიმ გადახედოს თავისი ცხოვრების წესსო. ხანდახან მაინც რომ მისულიყო სახლში. უცხო ქალაქში სრულიად მარტო იყო. ეს არის, რაც ნინის ჩემთვის უთქვამს. მას ამაზე ლაპარაკი არ უნდოდა, რადგან ძალიან გულდაწყვეტილი იყო".

საინტერესოა როგორ განვითარდება მოვლენები და უპასუხებს, თუ არა მომღერალი ქმრის ბრალდებებს. წყვილი ოფიციალურად ისევ დაქორწინებულია.