ოცი წლის გოგონას უკვე ერთი თვეა თვალებიდან ცრემლის ნაცვლად სისხლი მოსდის და ეს დღეში რამდენჯერმე მეორდება. იარითზა ოლივა ცხოვრობს ჩილეში. როცა პირველად წამოუვიდა თვალებიდან სისხლი, შეშინებულმა მაშინვე მიმართა თავის თვალის ექიმს, მაგრამ ვერავითარი ინფექციის აღმოჩენა ვერ შეძლეს. გარდა ცრემლებისა, იარითზას ტკივილიც აღენიშნებოდა. ექიმმა გამოუწერა თვალის წვეთები და გაუშვა სახლში, მაგრამ თვითონ საგონებელში ჩავარდა, რადგან სამედიცინო პრაქტიკაში ასეთი შემთხვევა ჯერ არსად არ დაფიქსირებულა. გოგონას მშობლებმა მიმართეს საინფორმაციო საშუალებებს და ითხოვენ შველას. ექიმები ვარაუდობენ, რომ მას შეიძლება ჰქონდეს ძალიან იშვიათი დაავადება, რომელიც ქალებს ემართებათ მომატებული ჰორმონების დროს რეპროდუქციულ პერიოდში.