ეროვნული უშიშროების საბჭოს ანალიტიკური დეპარტამენტის უფროსმა ლაშა დარსალიამ არასამთავრობო ორგანიზაციების წარმომადგენლებს საქართველოს კიბერუსაფრთხოების სტრატეგიის პროექტის სამუშაო ვარიანტი გააცნო.

მისი თქმით, საქართველოს მთავრობა კიბერუსაფრთხოებას ეროვნული უსაფრთხოების პოლიტიკის ერთ-ერთ მნიშვნელოვან კომპონენტად მიიჩნევს.

დარსალია აცხადებს, რომ მიმდინარეობს მუშაობა უწყებათაშორისი თანამშრომლობის ფორმატში საქართველოს კიბერუსაფრთხოების სტრატეგიაზეც, რომლის დამტკიცება 2012 წლის პირველ ნახევარში იგეგმება.

აღსანიშნავია, რომ დღევანდელი შეხვედრა ნატო-ს შესახებ საინფორმაციო ცენტრში ევროპულ და ევროატლანტიკურ სტრუქტურებში ინტეგრაციის საკითხში საქართველოს სახელმწიფო მინისტრის აპარატისა და საქართველოს ეროვნული უშიშროების საბჭოს ინიციატივით გაიმართა.