ეს უნიკალური ბუნებრივი ფენომენი მდებარეობს ალჟირში, ქალაქ სიდი-ბელ-აბესის მახლობლად. ამ ტბაში არც თევზებია და არც მცენარეები, რადგან მელანი, რომლითაც იგი არის სავსე, მომწამვლელია ცოცხალი ორგანიზმებისთვის და მხოლოდ და მხოლოდ საწერად გამოიყენება.

მელნის ტბის ფენომენი მეცნიერებისთვის დიდი ხნის მანძილზე გამოცანად რჩებოდა. მხოლოდ ახლახანს აეხადა ფარდა იმ ფაქტს, თუ როგორ აღმოჩნდა მასში წყლის მაგივრად მელანი. აღმოჩნდა, რომ ამ ტბაში ორი მდინარე ჩაედინება. ერთი მათგანი დიდი რაოდენობით რკინის მარილებს შეიცავს; მეორეში კი არის ტორფული ჭაობებიდან წამოღებული სხვადასხვაგვარი ორგანული ნაერთი. ამ წყლების ურთიერთშერევის დროს ხდება ქიმიური რეაქციები, რის შედეგადაც წარმოქმნება მელანი.

ადგილობრივ მოსახლეობაში მელნის ტბის შესახებ ლეგენდებიც დადის. ბევრს იგი ეშმაკის ადგილად მიაჩნია და ყველანაირად ერიდება ახლოს მისვლას. მას ხშირად ეძახიან "სამელნეს", "ეშმაკის თვალს", "შავ ტბას".