ცნობილი მომღერლის და მსახიობის ჯენიფერ ლოპესის ჯილდოების კოლექცია შეივსო მორიგი მონაპოვარით.

ცნობილმა ქალბატონმა ჰოლივუდის დიდების ხეივანში ვარსკვლავი მიიღო, რომელიც ბულვარში რიგით 2500-ე საიუბილეო აღმოჩნდა.

მიუხედავად იმისა, რომ ჯენიფერმა ნამდვილად დაიმსახურა ვარსკვლავი (შვიდი სტუდიური ალბომი და "ოქროს გლობუსის" ნომინაცია ამის საუკეთესო დასტურია), სამადლობელი სიტყვის წარმოთქმისას ლოპესმა მოკრძალებულად განაცხადა, რომ ის შეძრულია მიღებული პატივით: " მომხდარის დაჯერება იმდენად მიჭირს, რომ მგონია ეს ჩემ თავს არ ხდება".

თუმცა ცერემონიის სტუმრებმა შეძლეს ჯენიფერის რეალობაში დარწმუნება. ჰოლივუდის ბულვარში ვარსკვლავის მისალოცად თავი მოიყარეს მსახიობის მშობლებმა, შეყვარებულმა კასპერ სმარტმა და მისმა ტყუპებმა, ასევე მეგობრებმა რეპერმა Pitbull, ჯეინ ფონდამ და სხვებმა.

ჯენიფერ ლოპესი როგორც ყოველთვის საუკეთესოდ გამოიყურებოდა, ცერემონიაზე ვარსკვლავი ქალბატონი Dior-ის კაბასა და Brian Atwood-ის ატლასის ფეხსაცმელებში იწონებდა თავს.