ამ სტატიაში წარმოგიდგენთ კანადელი მოქანდაკის, გი ლარამეს უჩვეულო შემოქმედებას. კარვინგის ანუ კვეთის ხელოვნება არავისთვის არის ახალი. ალბათ ყველას უნახავს ხისგან, ხილისა თუ ბოსტნეულისგან გაკეთებული მშვენიერი ქანდაკებები. მაგრამ ლარამე თავის ნამუშევრებისთვის მასალად, არც მეტი არც ნაკლები, წიგნებს იყენებს: ძველ, სქელტანიან, გადასაგდებად განწირულ წიგნებს. ერთდროულად არქეოლოგი, კომპოზიტორი, მხატვარი და მოქანდაკე, გი ლარამე თავისი ხელოვნებით ერთგვარ ეგზისტენციალურ პარალელს ავლებს გეოგრაფიულ ეროზიასა და ნაბეჭდი სიტყვების ეფემერულ ხასიათს შორის.

გთავაზობთ რამდენიმე სურათს, რომლებიც წარმოდგენას შეგიქმნით გი ლარამეს ამ უჩვეულო, მაგრამ საოცრად ლამაზ ნამუშევრებზე.