სტატიაში ვეცდები მცირე ინფორმაცია მოგაწოდოთ იმ საოცარ მოვლენასთან დაკავშირებით, რომელიც დაფიქსირდა 2011 წლის 5 ივნისს.

ამ დღეს ჩილეში გაიღვიძა ვულკანმა Plume-მ. ვულკანის გამოღვიძებას თან ახლდა ელვა, რომელმაც განსაკუთრებული ეფექტი შეიტანა ვულკანის ამოფრქვევის კადრებში: ვულკანის ყელიდან ამოფრქვეული მტვრის ღრუბლები ელვის ხაზებმა დასერა.

შეგახსენებთ, რომ 5 ივნისი იყო კვირა დღე. ჩილეში შაბათ დილიდან საშიში მიწისძვრები დაიწყო, რის გამოც ხელისუფლებამ ვულკანის მიმდებარე ტერიტორიიდან 3500 კილომეტრის რადიუსში ევაკუაცია მოახდინა. ამოფრქვევის შედეგად მტვრის წვიმა 60 მილით (100 კილომეტრი) დაშორებულ არგენტინის ქალექებშიც კი იყო.

როგორც ხედავთ, ამოფრქვეული მტვერი საკმაოდ მაღლა ავიდა ცაში. იგი დაახლოებით 6 მილის (10 კილომეტრი) სიმაღლეზე იყო, ხოლო შემდეგ, ქარის საშუალებით, არგენტინაშიც კი მოხვდა ეს ვულკანური ფერფლი.

გავრცელებული ინფორმაციით, ამ ზომის ელვა მანამდე არსად არ დაფიქსირებულა. ელვის რადიუსი 500 კილომეტრი იყო. ვულკანი ორშაბათს, 6 ივნისს დამშვიდდა, თუმცა 2 დღის განმავლობაში არ შეწყვეტილა ვულკანური ფერფლის წვიმა.

ამ საოცარი მოვლენის ამსახველი ვიდეო და ფოტო მასალა სწრაფად გავრცელდა ინტერნეტ სივრცეში.

შევეცადე, მათი მცირე რაოდენობა თქვენთვისაც შემომეთავაზებინა. სასიამოვნო ინფორმაცია არაა, მაგრამ, დამეთანხმებით, რომ მართლაც საოცარი და სენსაციური კადრები დაფიქსირდა.