ამ სტატიაში შემოგთავაზებთ მცირეოდენ ინფორმაციას (პატარა ფოტო კოლაჟით) კამჩატკის ულამაზეს ადგილთან დაკავშირებით.

კამჩატკის ამ ულამაზეს ხეობაში ერთადაა თავმოყრილი უამრავი გეიზერი. გოგირდითა და სხვა მინერალური მინარევებით მდიდარი გეიზერების დამსახურებაა, რომ კამჩატკაზე ასეთი საოცარი სილამაზის, ასეთი ფერადი ლანდშაფტის მქონდე ხეობა შეიქმნა. ეს ადგილი ცნობილია, როგორც "კამჩატკის ვულკანების მემკვიდრეობა".

ხეობა 1941 წელს გახსნეს ნაკრძალიას (Кроноцкого заповедника) თანამშრომლებმა, გეოლოგმა Татьяна Устинова-მა და Анисифор Крупенин-მა. მას შემდეგ ტურისტულ ზონადაა გამოცხადებული და კამჩატკის მარგალიტად ითვლება. 2008 წელს რუსეთის საოცრებათა სიაში შევიდა ამ საოცარი ხეობის გეიზერები. ყოველწლიურად ამ ადგილს ათასობით ტურისტი სტუმრობს.

2007 წლის 3 ივნისს ჩამოწოლილმა მეწყერმა მნიშვნელოვნად დააზიანა გეიზერების დიდი ნაწილი, დაიტბორა საკმაოდ დიდი ადგილი, მაგრამ ამ შემთხვევას დიდად არ დაუზიანებია მისი სილამაზე და იგი კვლავ ინტერესის საგნად რჩება ტურისტებისა და მკვლევარებისათვის.

სტატიაში გამოყენებული ეგზოტიკური სილამაზის ამსახველი ფოტოები ეკუთვნის ცნობილ ფოტოგრაფს Игоря Шпиленка-ს.

იმედია, კვლავ სასიამოვნო მოგზაურობით დაიწყეთ დილა და დამეთანხმებით, რომ მართლაც ერთერთი ულამაზესი ადგილია კამჩატკის გეიზერების ხეობა.