ქალბატონი ეკა კახიანი და მისი ოჯახი მუდამ ყურადღების ცენტრშია. ნინი ბადურაშვილი ეკას უფროსი ქალიშვილი და პოპულარული ქართველი მომღერალია, შუათანა ქალიშვილი ანასტასია წარმატებული მოდელია, პატარა ქალიშვილი ქეთო თოფურიძე ჯერ სკოლის მოსწავლეა. გოგონას დედისა და დების მსგავსად უნდა წარმატებული ადამიანი გახდეს. უნდა მსახიობობაც, მომღერლობაც და ჟურნალისტობაც. სერიალში "გოგონა გარეუბნიდან" ქეთომ ეპიზოდური როლიც ითამაშა. გოგონა თურმე დებს სამოსსაც პარავს და სკოლაში "მარიაჟობს", ცხადია დები ამის გამო ხშირად საყვედურობენ.
ქეთო ჩვეულებრივ, სხვა გოგონების მსავსად ცხოვრობს, სკოლა, რეპეტიტორები, მეგობრები, გართობა. ეკა კახიანი გვიამბობს: „ქეთო ძალიან გონიერი ადამიანია. 12 წლისაა და მიზანსწრაფულია, უკომპლექსო, ლაღი და ღიაა. ჩვენი შემხედვარე მსახიობობაც უნდა, მომღერლობაც, ჟურნალისტობაც. ისეთ ტემპში უნდა ცხოვრება, როგორც ჩვენ ვცხოვრობთ. სერიალისთვის „გოგონა გარეუბნიდან“ ეკა მჟავანაძეს და ნიკა წულუკიძეს გაახსენდათ. დების ტანსაცმლით სკოლაში „მარიაჟობს“ და მერე სახლში „კონცერტები“ გვაქვს".

ქეთო სულ მალე დეიდა გახდება, მისი ორივე უფროსი და ორსულადაა და შვილებს ერთი თვის შუალედით ელოდებიან. ნინი და ანასტასია ერთად სეირნობენ, ანალიზებსა და ექოსკოპიურ გამოკვლევებზეც ერთად დადიან, უზიარებენ ერთმანეთს გამოცდილებას და რჩევებსაც აძლევენ. ნინი და ანასტასია ერთად გაიზარდნენ, ქეთო კი მოგვიანებით გაჩნდა. ცხადია გოგონები უმცროსი დის აღზრდაში მონაწილეობას იღებდნენ. ქეთო, როგორც უმცროსი შვილი დღემდე ოჯახის ნებიერაა. ვუსურვოთ მას წარმატებები...