სრულიად საქართველოს კათოლიკოს-პატრიარქი, უწმინდესი და უნეტარესი ილია II, მრევლს მისი სახელით ფინანსური დახმარების მთხოვნელებთან დაკავშირებით აფრთხილებს.
"მე მივეცი ლოცვა-კურთხევა ჩვენს სამღვდელოებას, რომ ხატი მიაბრძანონ ოჯახებში და პარაკლისი შეასრულონ სრულიად უფასოდ, არავითარი ფული საჭირო არ არის. სამღვდელოება ამას ასრულებს, მაგრამ გამოჩნდნენ ერის ადამიანები, რომელნიც ავრცელებენ ხმას, პატრიარქის ლოცვა-კურთხევით მოვდივართო, ითხოვენ ფულს და დახმარებას. ეს სწორი არ არის", - აცხადებს ილია II-მ და ამასთან ერთად აღნიშნავს, რომ თუ მოძღვარი არ არის, მრევლმა ერის ადამიანი, თუნდაც ხატით მისული, სახლში არ უნდა მიიღოს.