ჭეშმარიტი ურთიერთობები იშვიათად თუ საჭიროებენ მესამე პირის დარიგებას, მაგრამ ამ შემთხვევაში ქვემოთ მოყვანილი რჩევები ახლად დაწყვილებულებს დაეხმარებათ სწორედ რომ ჭეშმარიტ ურთიერთობებამდე მივიდნენ.

უპირველეს ყოვლისა, აუცილებელია წყვილებმა ღიად ისაუბრონ მათთვის მნიშვნელოვან თემებზე, საკუთარ წუხილებზე.გაითვალისწინეთ, რომ საუბრისას თითოეულს უნდა შეეძლოს ყურადღებით მოუსმინოს პარტნიორს, რადგან ეს საუბრები მომავალი ურთიერთობის მნიშვნელოვანი საფუძველია.

დადებითი შედეგის მომტანია ასევე პარტნიორისათვის იმის აღნიშვნა, თუ რატომ აფასებთ მას, რითია ის სხვებისაგან გამორჩეული.

თავისუფალი დროის ერთად გატარება იდეალური საშუალებაა დაახლოვებისათვის.მოძებნეთ საერთო ინტერესები, ჰობები და ერთად გაატარეთ დრო საინტერესოდ და მხიარულად.მაგალითად, პოეზია თუ გიყვართ ორივეს, შეგიძლიათ ერთმანეთს საკუთარი შემოქმედება გააცნოთ.

კარგი ურთიერთობები მხოლოდ წყვილების საერთო მოქმედებას არ გულისხმობს, მეტად მნიშვნელოვანია საკუთარ თავზე მუშაობაც, იმის გააზრება თუ რა მოლოდინები გაქვთ ამ ურთიერთობიდან, ემთხვევა თუ არა ის საპირისპირო სქესის მოთხოვნილებებსა და მიზნებს.უნდა მოახდინოთ საკუთარი თავის შეფასება, ხომ არ ხართ პარტნიორისთვის რაიმე თვისების გამო მიუღებელი, თუ ეს ასეა და ეს პარტნიორი მნიშვნელოვანია თქვენთვის, მოგიწევთ მის გემოვნებას ისე მოერგოთ, რომ საკუთარი სახე არ დაკარგოთ, ასევე მასაც მოუწოდოთ რბილი ფორმით, რომ მცირე ნაკლის ატანა უნდა შეეძლოს და მხოლოდ საკუთარი შეხედულებებით არ უნდა განსაჯოს პარტნიორი.

არ დაგავიწყდეთ, რომ ურთიერთობისას ორივე მხარისათვის უპირველესია პატიოსნება, ამიტომ ნუ გადაუხვევთ სიმართლის გზიდან!