ნანკა კალატოზიშვილი რამდენიმე კვირაში დედა გახდება. მისი დღე ხილის ჭამით იწყება, მეგობრებს ნახულობს, ფილმებს უყურებს, წიგნს კითხულობს, სულ ცოტა ხნის წინ კი ვარჯიშიც დაიწყო. "მე უფრო ბიჭი მინდოდა. კედო თავიდან გოგოს იძახდა, გოგო მამისთვის ძალიან საყვარელიაო, მაგრამ ბიჭიაო რომ გაიგო, ძალიან გაეხარადა. სახელის რამდენიმე ვარიანტი გვაქვს, მაგრამ ჯერ ვერ გადავწყვიტეთ რომელი. დანიელზე ვართ გაჩერებულები. ეს სახელი კედომ თქვა და ძალიან მომეწონა, ლუკაც მოგვწონს ძალიან. აი, ამ ორ სახელს შორის გავაკეთებთ, ალბათ, არჩევანს"-გვიამბობს ნანკა. ახლა ნანკა და კედო ნანკას დედასთან ერთად ცხოვრობენ. მსახიობს ძალიან მოსწონს როცა გემრიელი კერძებით ანებივრებენ.სულ ცოტა ხნის წინ კი ორსულმა მსახიობმა ფოტოსესიაშიც მიიღო მონაწილეობა.

2013 წლის გაზაფხულზე კი ახალი ფილმი გამოვა სახელწოდებით "ნაწილები". ფილმში მოქმედება შემდეგნაირად ვითარდება: მეცნიერი დავით ბერიძე აღმოაჩენს ახალ, მსოფლიოსთვის დღემდე უცნობ ენერგეტიკულ წყაროს, რომელიც მან ცხოველების ნეშტებზე ექსპერიმენტების დროს დააფიქსირა. სამეცნიერო კოლეგია მას აბუჩად აიგდებს და ლაბორატორიასაც კი ჩამოართმევს. ფილმი ადამიანების ურთიერთობებზეა. ფილმში ეს იშლება ერთი კონკრეტული წყვილის - ნანკა კალატოზიშვილისა და ნიკა თავაძის გმირების ურთიერთობაზე. ნიკა მეცნიერის მთავარი ასისტენტია, რომელიც ამ ექსპერიმენტშია ჩართული. დანარჩენს კი უკვე კინოთეატრებში იხილავთ.