პატარა მომღარალი გოგონა მაყურებელს პროექტ "ნიჭიერიდან" ახსოვს. მარიამი დღეას უკვე 17 წლისაა და მალე სკოლასაც ამთავრებს. რამდენიმე წლის წინ მის მიერ შესრულებულმა სიმღერამ ფილარმონიაში მყოფი მაყურებელი აიტაცა, ჟიური მოხიბლა და ერთ დღეში საოცრად პოპულარული გახდა. ამის შემდეგ იყო ბევრი წარმატება, საბავშვო ევროვიზიაში გამარჯვება და ბევრი ჭორი. პატარა ასაკში მიღწეული წარმატება ბევრ ადამიანს თაბრუს ახვევს და გასაკვირი არაა რომ ასეთი ეჭვები მარიამის მიმართაც გაჩნდა.
მარიამ კახელიშვილი:–მესმის ხოლმე რომ ამბობენ თავში აუვარდაო, ასე ნამდვილად არ არის. პოპულარობას ჩემზე არ უმოქმედია, მე ისევ ისეთი ადამიანი ვარ, უბრალოდ გავიზარდე. ვცდილობ ასეთ ჭორებს ყურადღება არ მივაქციო, მაგრა გული მტკივა ხოლმე, რადგან მინდა ხალხს ვუყვარდე და მეტიჩარა არ ვეგონო.