თუ ანჯელინა ჯოლის მობეზრდება ჰოლივუდში მოღვაწეობა, იგი ადვილად შეძლებს კინოს ჩანაცვლებას პოლიტიკით. რაშიც პუბლიკა დარწმუნდა, როცა მსახიობი გამოჩნდა "დიდი რვიანის" საგარეო საქმეთა მინისტრების კონფერენციაზე, რომელიც ლონდონში ჩატარდა.

სამიტზე ანჯელინა ჯოლი დიდი ბრიტანეთის საგარეო საქმეთა მინისტრთან უილიამ ჰეიგთან ერთად გამოცხადდა.

მსახიობი მინისტრთან ერთად მანამდე აფრიკას სტუმრობდა გაერთიანებული ერების კეთილი ნების ელჩის რანგში.

კონგოში ვიზიტისას ანჯელინა და ჰეიგი ესტუმრნენ დევნილების ბანაკს და შეხვდნენ მთავრობის წარმომადგენლებს.

კონფერენციაზე ანჯელინა სიტყვით გამოვიდა და მან მოუწოდა პუბლიკას განსაკუთრებული ყურადღება დაუთმონ საომარი მოქმედებების ზონაში მყოფ ქვეყნებში ბავშვების და ქალების მიმართ განხორციელებულ ძალადობას.