აპრილის თვეში მოდური ჟურნალების გარეკანი ტრადიციულად ცნობილმა ვარსკვლავებმა დაამშვენეს. აპრილის თვის გმირები არიან-ქეით უინსლეტი, ტეილორ სვიფტი, ლანა დელ რეი, დიანა კრუგერი, და სხვა ცნობილები მსახიობები და მომღერლები.
Harper’s Bazaar-ის გარეკანი ქეით უინსლეტის შავ-თეთრმა ფოტომ დაამშვენა. მსახიობი ულამაზესი კაბით და საუცხოო თვალის მაკიაჟით იწონებდა თავს.

ფრანგი ქალბატონი ვანესა პარადი კი ჟურნალის რუსულ გამოცემაზე გამოჩნდა თეთრ კაბას და წითელ ქოლგაში.

დიანა კრუგერი აპრილის თვეში ორი ჟურნალის Flare და Flare
Magazine გარეკანზე გამოჩნდა. მსახიობს Chanel, Bottega Veneta, და Louis Vuitton სამოსი ამშვენებდა. დიანამ ჟურნალისთვის მიცემულ ინტერვიუში აღნიშნა, რომ მოდელის კარიერა აღარ გააგრძელა, რადგან თავს ბედნიერად არ გრძნობდა.

ლანა დელ რეი გახდა L’Officiel Paris ყდის ფოტოგმირი. მოდელს და მომღერალს ამშვენებდა Dolce & Gabbana, Rochas, Gucci და Ralph Lauren-ის ბოლო კოლექციების სამოსი, ხოლო მის რეტრო სტილს ასრულებდა დატალღული თმა და წითელი ტუჩები.

ოლივია უაილდს Marie Claire-ის გარეკანზე ლურჯი ულამაზესი კაბა ამშვენებდა. ინტერვიუში მსახიობმა საქმროსთან ჯეისონ სუდეიკისთან შეხვედრაზე და პირველ პაემანზე ისაუბრა. მან თავისი ოცნებაც გაამხილა-ოლივიას ძალიან უნდა ბავშვების ყოლა.

ტეილორ სვიფტი ორი მოდური ჟურნალის InStyle და Vanity Fair-ის გარეკანზე გამოჩნდა. მომღერალს საგაზაფხულო ნაზი კაბა და ბუნებრივი მაკიაჟი ამშვენებდა.

Elle-ს ამერიკულ ნომერში ნიკი მინაჟი გამოჩნდა თავისი ექსტრავაგანტული სტილით. რეპერს ღია ფერი თმები, ბუნებრივი მაკიაჟი ამშვენებდა. როგორც მომღერალმა ჟურნალისტებს განუცხადა ამის გამო თავს შიშვლად გრძნობდა.

ჟურნალმა Tatler Russia აირჩია ამანდა სეიფრიდი, ის საუცხოოდ გამოიყურებოდა Dior-ის კაბაში.