შოუბიზნესი 2Pac 2013, 30 მარტი, 18:02 2Pac
![]() თუფაქ ამარუ შაკური (Tupac Amaru Shakur) რეპერი, მსახიობი, პროდიუსერი, მწერალი, პოეტი, სცენარისტი, აქტივისტი... ადამიანი რომელმაც შავკანიანების ქუჩური მუსიკა უმაღლეს საფეხურზე აიყვანა თუფაქი 1971 წლის 16 ივნისს დაიბადა ბრუკლინში, ნიუ-იორკის შტატში. თავიდან მას Lesane Parish Croocks დაარქვეს, მაგრამ ინდოეთის ევოლუციურ მოძრაობასთან დაკავშირებით დედამ სახელი Tupac Amaru-თი შეუცვალა (სიტყვა-სიტყვით სახელი ასე ითარგმნება "ბრჭყვიალა გველი", "ღვთის მადლიერი") თუფაქის დედა აფენი 22 წლის ასაკში ნახევრად ტერორისტული დაჯგუფების "შავი პანტერების" წევრი გახდა. ეს მოძრაობა ამერიკის შავკანიანიმოძრაობის უფლებების დასაცავად ყველა შესაძლომეთოდით იბრძოდა.ნიუ-იორკში ტერაქტში მონაწილეობის ბრალდებით ფეხმძიმე აფენი შაკური ქალთა ციხეში მოხვდა, სადაც 3 თვე დაჰყო და თუფაქიც კინაღამ იქვე გააჩინა. მას ბრალდება არ დაუმტკიცდა დაგამოუშვეს. აფენი იძულებული იყო დილიდან საღამომდე ემუშავა, ბინის ქირა რომ გადაეხადა და ორი შვილი ერჩინა. ჯერ ბრონქსში ცხოვრობდნენ, შემდეგ ჰარლემში გადავიდნენ. აქ 12 წლის თუფაქმა პიესაში A Raisin in the sun ტრევისი როლი ითამაშა, მისი მსახიობური ნიჭი აშკარა იყო, მაგრამ ამისთვის ყურადღება არავის მიუქცევია. 3 თვის შემდეგ მისი ოჯახი ბალტიმორში გადავიდა, სადაც ხელოვნების სკოლაში დაიწყო სწავლა. აქ დაიწყო თავისი პირველი ლექსების წერა. ის აღწერდა იმას, რასაც ირგვლივ ხედავდა. 2 წლის შემდეგ თუფაქის ოჯახს ისევ მოუხდა საცხოვრებელი ადგილის შეცვლა. ამჯერად ისინი კალიფორნიის შტატში, მერინ სიტიში გადავიდნენ. 17 წლის თუფაქი ძალიან განიცდიდა სკოლის და მეგობრების მიტოვებას. ამის შემდეგ მისი ცხოვრება შეიცვალა, ქუჩაში უსაქმოდ აღმოჩენილმა თინეიჯერმა მეზობლის ბიჭთან ერთად ნარკოტიკების გაყიდვა დაიწყო. ეს ოჯახის შემოსავლის ერთადერთი წყარო იყო. ერთხელ თუფაქი ჯგუფ Digital Undeground-ის ლიდერმა Shock-G-მ შენიშნა. მან ახალბედა რეპერი ბექვოკალისტად და მოცეკვავედ წაიყვანა ჯგუფის ტურნეში, ამავდროულად თუფაქი საკუთარ სიმღერებზეც მუშაობდა. 1991 წლის 12 ნოემბერს გამოვიდა თუფაქის პირველი სოლო ალბომი 2Pacalypse Now, რომელშიც ძირითადად შავკანიანი მოსახლეობის რასობრივი დისკრიმინაციის შესახებაა საუბარი. კლიპი Brenda's Got a Baby ჰიტად იქცა. ის თვის სიმღერად აღიარეს, ალბომმა კი "ოქროს" სტატუსი მიიღო. წარმატებას თან პრობლემებიც ახლდა. თუფაქს რაღაც დააბრალეს და დააპატიმრეს, თუმცა მალევე გაათავისუფლეს. ალბომმა 2Pacalypse Now დიდი გამოხმაურება იქონია საზოგადოებაში. თინეიჯერმა რეი ჰოვარდმა პოლიციელს ესროლა და სასამართლოში განაცხადა, რომ დანაშაულის ჩადენისას თუფაქის ალბომს უსმენდა. ამ ინციდენტის შემდეგ ამერიკის-ვიცე პრეზიდენტმა დეი კუელმა მოისმინა თუფაქის ალბომი და განაცხადა: "ეს ალბომი ჩვენი საზოგადოების ღირსი არ არის" მალე გამოვიდა Digital Undeground Songs of the P, რითაც თუფაქის თანამშრომლობა Shock-G-სთან დასრულდა. მან სოლო კარიერა აირჩია. 1992 წლის 17 იანვარს რეპერი ფილმში Juice ითამაშა. 1993 წლის 1 თებერვალს კი გამოვიდა მისი მეორე სოლო ალბომი Strictly 4 My N.IG.G.A.Z.. ამ ალბომში თუფაქი ვიცი-პრეზიდენტს საკმაოდ უხეშად მიმართავს და მღრის ისეთ აქტუალურ თემებზე, როგორებიცაა: უპატრონო ბავშვები, მარტოხელა დედები, სიღარიბე, განსოკუთრებით წარმატებული კიგამოდგა ამ ალბომის სიმღერები: I Get Around და Keep Ya Head Up. 13 მარტს თუფაქს თავისივე ლიმუზინის მძროლმა უჩივლა. ის ავტომობილის სალონში ნარკოტიკს ეწეოდა, რისთვისაც თუფაქმა სილა გააწნა. რეპერი დაიჭირეს, მაგრამ მალევე გაანთავისუფლეს. 5 აპრილს თუფაქი ბეისბოლის მათტჩს დაესწრო, სადაც ადგილობრივ რეპერს ეჩხუბა და 5 დღით ისევ ციხეში აღმოჩნდა. მისი მოწინააღმდეგე დამნაშავედ არ მიიჩნიეს - მას ხომ თუფაქისგან განსხვავებით, ვიცე პრეზიდენტთან კამათი არც კი უცდია. 1993 წლის 22 ივნისს გამოვიდა ჯონ სინგსტონის ფილმი "პოეტური მართლმსაჯულება" სადა შაკური პოეტის როლს თამაშობდა. ფილმში თუფაქს პარტნიორობას ჯენეტ ჯექსონი უწევდა. მან რეპერს შიდსის ანალიზი მოსთხოვა, სანამ მასთან კოცნის სცენას ითამაშებდა. მათ გადაღებების დროს დაძაბული ურთიერთობა ქონდათ, რის გამოც მოგვიანებით ჯექსონი სინანულს გამოთქვამდა: "მე შევძელი თუფაქი სულ სხვა თვალით დამენახა. ის მზრუნველი და მეგობრული იყო. სიყვარულის უდიდესი ნიჭი გააჩნდა, თუმცა სულ სხვაგვარი რეპუტაცია ქონდა." ამის შემდეგ ჯექსინს და თუფაქს ერთმანეთი შეუყვარდათ. ![]() ![]() 563 2-ს მოსწონს
|