ვინც თვალს ადევნებდა აგრარული უნივერსიტეტის ირგვლივ განვითარებულ აჟიოტაჟს, შეამჩნევდით რომ იმ ადამაინთა შორის, რომლებიც პროტესტს გამოთქვამდნენ უნივერსიტეტეტისათვის აკრედიტაციის შეჩერების გამო, იყო თამარ ჩერგოლეიშვილიც. მისი განცხადებით ამ გადაწყვეტილებას საფუძვლად უდევს პოლიტიკური მოტივი. როგორც გავარკვიე ჩერგოლეიშვილი აგრარულ უნივერსიტეტში დასაქმებული იყო, და ბიბლიოთეკის განახლებას კურირებდა.

თამარ ჩერგოლეიშვილი:- “ეხლა მარგველაშვილმა იმედზე განაცხადა, როგორც კი ადმინისტრაცია და პოლიტიკოსები ჩაერთვნენ ლაპარაკში, დავტოვე შეხვედრაო. ერთი რამე მაინტერესებს: მე, ადამიანი, ვინც აგრარულში ვკურირებ ბიბლიოთეკის განახლებას (და სხვათაშორის ჩავრთეთ ბიბლიოთეკა საუკეთესო საერთაშორისო ელექტრონულ ქსელებში) და რომლის მიმართაც დასკვნა შეიცავდა პრეტენზიას, რომ მილიონ წიგნში და ათასობით სილაბუსში მითითებული ლიტერატურიდან არ მოინახა თურმე ათამდე წიგნი, თან ისეთი წიგნები, რომლებზეც სწავლება დაგეგმილია 2014 წელს, არა მაქვს უფლება, რომ ჩავერთო დისკუსიაში? და რატომ არა მაქვს? იმიტომ რომ წინა მთავრობაში ვმუშაობდი? ეს არაა დისკრიმინაცია?"