კოსმეტიკურმა ბრენდებმა საგაზაფხულო პარფიუმის სარეკლამო სახეებად აირჩიეს ქალბატონებისთვის საოცნებო, ლამაზი, ძლიერი სქესის წარმომადგენლები.

ავსტრალიელი ერიკ ბანი, უშიშარი სერფერი დენი ფულერი, ათლეტური ფრანგი ნიკოლა კაზალე, სექსუალური საიმონ ბეიკერი (სწორედ ის ცდილობდა ენ ჰეტევეის მოხიბვლას ფილმში "ეშმაკი ატარებს პრადას"), პერსპექტიული და მიმზიდველი ჰარეტ ჰედლუნდი.

დასანანია, რომ მაღაზიაში მხოლოდ არომატის შეძენაა შესაძლებელი და არა თავად სუნამოს სარეკლამო სახეების.

Chanel-ის ყოვლისმომცველი ახალი არომატი Allure Homme Sport Eau Extreme ხის ნოტებით გააოცებს ყველას ჰავაელი სერფერის დენი ფულერის გარდა -ეს ხომ სახლის სიმაღლის ტალღა არ არის. თავად ლამაზმანი ფულერი კი დაიპყრობს ნებისმიერი ქალბატონის გულს და ნებისმიერი სიმაღლის ტალღასაც.

მანეკენი დომინიკ მელქიორი ადვილად იპყრობს ქალბატონების გულებს, მისი ახალი პარფიუმის სურნელი კი სასიამოვნოდ უღიტინებს ცხვირს.

ფრანგმა მსახიობმა ნიკოლა კაზალემ სარეკლამო გადაღების უდიდესი ნაწილი შეზლონგზე წამოწოლილმა გაატარა, მას მხნეობა Kenzo-ს ახალმა არომატმა Kenzo Homme Sport ­Extreme შემატა.

ახალი სუნამო Bulgari Man Extreme-ს სარეკლამო სახე მსახიობი ერიკ ბანა გახდა, რომელიც გულარხეინად დასეირნობდა რომში გადაღების დროს და მიმზიდველ სურნელს აფრქვევდა.

ახალი სუნამოს Gentlemen Only სწორედ მსახიობ საიმონ ბეიკერის მსგავსი მომნუსხველი სახე აქვს.

ამერიკელ მსახიობს ჰარეტ ჰედლუნდს კი ესტაფეტა ვენსან კასელისგან გადაეცა და ის გახდა Yves Saint Laurent-ის ახალი სუნამოს La Nuit de l'Homme სარეკლამო სახე.