გთავაზობთ ძალიან მარტივად მოსამზადებელ და რაც მთავარია რაც მთავარია უგემრიელეს ქათმის კატლეტებს ქამა სოკოთი. კლასიკური ქათმის კატლეტი ყველასათვის ცნობილია, მაგრამ ქამა სოკოს წყალობით კატლეტები იძენს სინაზეს, ორიგინალურ და არაჩვეულებრივ არომატს. გასინჯვად ნამდვილად ღირს.

ინგრედიენტები:
1. ხახვი – 2 ც.
2. ქათმის ფილე – 500 გრ.
3. ქამა სოკო (თუ გნებავთ ქილის) – 300 გრ.
4. კვერცხი – 2 ც.
5. თეთრი პური – 2 ნაჭ.
6. მარილი, წიწაკა გემოვნებით

მომზადების წესი:
წვრილად დავჭრად სოკო (თუ ქილის არის გავწუროთ) და ხახვი, გახურებულ ტაფაზე დავასხათ ზეთი და მოვშუშოთ ხახვი, ხახვი ოქროსფერი რომ გახდება დავამატოთ სოკო და ვშუშოთ მანამ სანამ სოკოს სითხე არ ამოშრება. ქათმის ფილე და პური გავატაროთ ხორცსაკეპ მანქანაში, ფარშში დავამატოთ მოშუშული სოკო, კვერცხი, მარილი, წიწაკა და კარგად ავურიოთ. ხელის გულზე მივცეთ ფორმა და ზეთში შევწვად ორივე მხრიდან. გემრიელად მიირთვით!