ოსვენციმი - ადგილი ბოროტებისა და არადამიანური მოქცევისა. ოსვენციმის საკონცენტრაციო ბანაკი მეორე მსოფლიო ომის პერიოდში, ნაცისტური გერმანიის მიერ პოლონეთის დაპყრობის შემდეგ აშენდა. ეს იყო გერმანელების მიერ აგებული ყველაზე დიდი საკონცენტრაციო ბანაკი, რომელიც შედგებოდა რამდენიმე ბანაკისგან.
ოსვენციმის საკონცენტრაციო ბანაკი ქალაქ ოსვენციმის სიახლოვეს მდებარეობდა. ბანაკი თავდაპირველად პოლიტიკური პატიმრებისთვის იყო გათვლილი, თუმცა შემდგომ საკონცენტრაციო ბანაკის ტერიტორია გაფართოვდა. აქ გერმანელების მიერ დაპყრობილი ტერიტორიებიდან მოჰყავდათ ებრაელები, ბოშები, სამხედრო ტყვეები. ფეხსაცმელი, სათვალე თუ სხვა ნებისმიერი ნივთი რომელსაც ამ ფოტოებზე ნახავთ, იმ ადამიანებს ეკუთნოდათ ვინც ამ ბანაკში ცხოვრობდა და სიციცხლე ტანჯვით დაასრულეს. მათ შორის იყვნენ ქალებიც, ბავშვებიც და მოხუცებიც. ამ ფოტოების ნახვა ნამდვილად არ არის ადვილი, რადგან ათასობით ადამიანის უბედურებას ასახავს.