სპორტული ცხოვრების სტილი საქართველოში არც ისე გავრცელებული, უფრო მეტიც იშვიათია, განსაკუთრებით მდედრობითი სქესის წარმომადგენლებში. აქ ძირითადად გასახდომად თუ ივარჯიშებს ვინმე, ან არც ივარჯიშებს და მხოლოდ დიეტების იმედზე იქნება. არადა სპორტი ჯანმრთელობაა, ლამაზი და ჯანსაღი აღნაგობისათვის კი აუცილებელიცაა. თბილისის ქუჩებშიც იშვიათად შეხვდებით სპორტულად ჩაცმულ გოგონებს, მათი უმეტესობა კლასიკურ სტილს და ქუსლებს ამჯობინებს, ზოგი თავისუფალ სტილს. სინამდვილეში სპორტულ ტანსაცმელში ქალი სექსუალური და მიმზიდველია.