კოტე მარჯანიშვილის სახელობის სახელმწიფო დრამატული თეატრის მსახიობ ეკა ნიჟარაძეს პირველი შვილიშვილი შეეძინა. ტასო, მისი უფროსი ქალიშვილი, როგორც იცით ნიკო გომელაურის შვილია. ტასოს რამდენიმე დღის წინ პატარა გოგონა ეყოლა, რომელსაც თინათინი დაარქვეს. ეს კი თინათინის პირველი ფოტოა, რომელიც ინტერნეტსივრცეში გავრცელდა.

ახალგაზრდა ბებია ძალიან გახარებულია შვილიშვილის შეძენით. ეს ნიკო გომელაურისთვისაც ძალიან დიდი სიხარული იქნებოდა, მაგრამ სამწუხაროდ იგი ვეღარ გაიზიარებს ამ დიდ სიხარულს.

ტასოს მეუღლე კოტე თაყაიშვილია. კოტეს სარეჟისორო აქვს დამთავრებული და კინოსტუდია "სანგუკოში" მუშობს. წყვილი ერთი პერიოდი დაშორებულნი იყვნენ, მაგრამ შემდეგ შერიგდნენ და მათი სიყვარულის ნაყოფიც მოევლინა ამ ქვეყანას, პატარა თინათინის სახით.
ტასო ძალიან გავს მამას, მას ნიკო გომელაურის მსგავსად ზღვისფერი თვალები აქვს.



ეკა ნიჟარაძეს და მის შვილს ვულოცავთ თინათინის დაბადებას და ჯანმრთელობას და ბედნიერებას ვუსურვებთ!