ჩელიაბინსკის მოსახლეობამ გადაწყვიტა მეტეორის ნამსხვრევების გაყიდვა და ფულის შოვნა, სულ რამდენიმე საათში მეტეორის ჩამოვარდნიდან საინფორმაციო ქსელებში გაჩაღდა ვაჭრობა მეტეორის ნამსხვრევებით.

ერთ ერთი განცხადება : “ვყიდი მეტეორის ნამსხვრევს, ნაპოვნი მაქვს ჩამოვარდნის ადგილას". ზოგჯერ განცხადებას აქვს განმარტებაც მაგ: “სულ ახალთახალი ნამსხვრევია".

ფასი განსხვავებულია, იწყება 10 ათასი რუბლიდან მილიონებამდე.

მაგრამ, ვიდრე მოსაზრებული ურალელები რეკლამას უკეთებენ თავიანთ საქონელს, საგანგებო სიტუაციათა სამინისტრო მკაცრად აფრთხილებს მცხოვრებთ მეტეორთან დამოკიდებულების შესახებ:

ჩელიაბინსკში აღმოჩენილია სამი ადგილი, სადაც 15 თებერვალს ჩამოცვივდა მეტეორის ნამსხვრევები: ორი ჩებარკულის რაიონში და ერთი ზლატოუსტის. უკანასკნელი ცნობებით ამ მოვლენამ 1000 ამდე ადამიანი დააზიანა.

ამასობაში ჩელიაბინსკელმა მიტროპოლიტმა თეოფანემ უქადაგა მრევლს, რომ მეტეორის წვიმა უნდა მივიღოთ გაფრთხილებად:

“წმინდა წერილი გვამცნობს, რომ სტიქიურ ძალთა მეოხებით ღმერთი იძლევა გაფრთხილებებს- ეს წვიმა არა მარტო ურალელებისთვის, არამედ მთელი კაცობრიობისთვის არის შეხსენება - ჩვენ ვცხოვრობთ მყიფე და ძნელად განსასაზღვრავ ვითარებაში. მადლობა შევწიროთ ღმერთს, რომ უფრო უარესი არ დაგვმართა".