ქართული მინერალური წყალი „ბორჯომი“ რუსეთის ბაზარზე უკვე პრემიუმ კლასის მქონე სტატუსით დაბრუნდება, იტყობინება РБК daily. ასეთი გადაწყვეტილება დაკავშირებულია იმასთან, რომ 7 წლის განმავლობაში, რა პერიოდშიც აკრძალული იყო ბორჯომის გასვლა რუსეთის ბაზარზე, იაფი მინერალური წყლების ნიშა (ფასით 30–60 რუბლი) უკვე დაიკავა რუსულმა ბრენდებმა „ესენტუკი“, „არხიზ“, „აჯი–სუ“.

ამიტომაც „ბორჯომი“ რუსეთის ბაზარზე დაბრუნების შემთხვევაში გეგმავს გაყიდვების 25%–ით ელიტარული მინერალური
წყლების სეგმენტის დაკავებას. კომპანია, როგორც ამას მისი გენერალური დირექტორი ზაზა კიკვიძე აცხადებს, არ შეუშინდება ფრანგულ მინერალური წყლების მწარმოებლებთან Evian და Perrier თან კონკურენციას.

ამასთანავე უნდა ითქვას, ბელორუსში ნახევარი ლიტრი „ბორჯომის“ ყიდვა შესაძლებელია 30 რუბლად, კიევში 48 რუბლად, დიდ ბრიტანეთში კი – 57 რუბლად.