მასალა 12 ულუფისთვის:

• 450 გ საფუარიანი ფენოვანი ცომი

• 1 თავი ხახვი

• 1 ცალი ტკბილი წიწაკა

• 300 გ მოხარშული ქათმის მკერდი

• 6 ცალი ლორიანი მდნარი ყველი (სამკუთხედი)

• 50 გ მაგარი ყველი

• 8 ცალი უკურკო ზეთისხილი

• 2 ს/კ ზეითუნის ზეთი

• 20 გ ოხრახუში

გააცხელეთ ღუმელი 170 გრადუსზე. ალყა-ალყა დაჭერით ხახვი. ზოლებად დაჭერით წიწაკა. ხორცი დაკეპეთ. ყველის სამკუთხედები დაჭერით სამად, მაგარი ყველი კი გახეხეთ. ზეთისხილი მრგვლად დაჭერით.

გაბრტყელებული ცომი დააფინეთ ცხიმწასმულ თუნუქის ფურცელზე, წაუსვით ზეითუნის ზეთი, ფენა-ფენა მოაყარეთ ხორცი და ხახვი, შემდეგ მდნარი ყველი, წიწაკა, ზეთის ხილი და გახეხილი ყველი. შედგით ღუმელში და აცხვეთ 30-40 წუთით.