პოლიტიკური რეჟიმის მსხვერპლთა ხსოვნის მემორიალი გაიხსნა

თბილისის იუსტიციის სახლთან 2004-2012 წლებში პოლიტიკური რეჟიმის მსხვერპლთა ხსოვნის მემორიალი საქართველოს იუსტიციის მინისტრმა თეა წულუკიანმა და იური ვაზაგაშვილმა, გახსნეს.
“ამ ადგილას 2006 წელს ხელისუფლების წარმომადგენლებმა მანქანაში ახალგაზრდა ზურაბ ვაზაგაშვილი და საშა ხუბულოვი ჩაცხრილეს. დღეს ჩვენ შევიკრიბეთ იმისთვის, რომ პატივი მივაგოთ მოკლულთა ხსოვნას და ზავი დავდოთ ყველამ ერთად საკუთარ წარსულთან და ამ წარსულს ჰქვია წინა ხელისუფლება. მომავალი უნდა ავაშენოთ ერთად. ვიმედოვნებ, რომ ეს მემორიალი იქნება ხიდი წარსულსა და ძალიან კარგ ნათელ მომავალს შორის”, – განაცხადა წულუკიანმა.
„წინა ხელისუფლების დროს ნებისმიერი ადამიანის სიცოცხლე საფრთხეში იყო. მადლობა მინდა გადავუხადო პრემიერ-მინისტრ ბიძინა ივანიშვილსა და იუსტიციის მინისტრ თეა წულუკიანს“, – განაცხადა იური ვაზაგაშვილმა.