სპორტის მოყვარებულებო და არა მარტო სპორტის...მოგესალმებით დიდხნიანი პაუზის შემდეგ ჩემი ახალი სტატიით.2012 წელს გაზეთმა ლელომ ჩაატარა გამოკითხვა თუ ვინ იყვნენ საქართველოში 2012 წლის საუკეთესო სპორტსმენები.სულ ათი ადამიანი დასახელდა მათგან საუკეთესო სპორტსმენად, სიის პირველი ადგილი კი ჩვენს ოლიმპიურ ჩემპიონს ლაშა შავდათუაშვილს ერგო.იგი მართლაც ღირსი იყო ამ დიდი და საპატიო ადგილის, რადგან ეს პიროვნება არის “თავისუფალ საქართველოში დაბადებული პირველი ოლიმპიური ჩემპიონი".20 წლის ლაშა შავდათუაშვილმა შეუძლებელი შესძლო და საქართველოს ისტორიაში შეძლო ყველაზე ახალგაზრდა სპორტსმენმა ოლიმპიადის ბრწყინვალედ მოგება.იგი მადლობელია ქართველი ხალხის მისი გულშემატკივრობისათვის და მხარდაჭერისათვის...მას გადაეცა დიპლომი საქართველოს სპორტის სამინისტროსაგან როგორც საუკეთესო სპორტსმენი 2012 წლის.

ლაშა შავდათუაშვილის ეს წარმატება, მისი შრომა და ჭიდაობა შეუმჩნეველი არასდროს ყოფილა.იგი ჯერ კიდევ გასულ წლებში შენიშნა მსოფლიომ, როდესაც იგი ახალგაზრდულ ნაკრებში ჭიდაობდა.მან მოიგო ევროპა, გახდა მსოფლიოს მესამე ადგილის მფლობელი, მანამდე მოგებული ჰქონდა მრავალი მსოფლიო და ევროპის თასები...დიდების ნაკრებში გადასვლითაც მან კვლავ წარმატებით გააგრძელა მოღვაწეობა და ევროპაზე(ჩელიაბინსკში) დაიკავა მესამე ადგილი და კვლავ წარმატებებით გააგრძელა ტრადიცია ევროპისა და მსოფლიო თასების გამარჯვებით რაც საბოლოო ჯამში ოლიმპიური ოქროთი დააგვირგვინა!ლაშას ევროპელი არბიტრები და წამყვანები “რისკიან ბიზნესმენად მოიხსენიებენ", რადგან იგი ყოველთვის შეუპოვრად ჭიდაობს და თავისი ჭიდაობის სტილით ახდენს მათ გაოცებას.სწორედ ამიტომ ევროპის ძიუდოს ფედერაციამ ლაშა შავდათუაშვილი დაასახელა 2012 წლის საუკეთესო სპორტსმენად ძიუდოში.

ლაშა ამ სიაში იმის გამო არ მოხვდა, რომ იგი მხოლოდ ოლიმპიური ჩემპიონია, არამედ იმის გამო რომ, როგორც ზემოთ აღვნიშნე მან ეს თავისი შრომით და მიღწევებით დაიმსახურა.ამ სიაში წლევანდელი ოლიმპიური ჩემპიონი მხოლოდ რამდენიმეა, მიუხედავად იმისა, რომ ძიუდოში 14 ოლიმპიური ჩემპიონია 2012 წელს.