"ჩვენ ვიხილეთ ცოცხები ციხეში, ჩვენ ვიხილეთ ჰომოსექსუალური შანტაჟი თავისუფლებაში, მაგრამ ჩვენ გვაქვს უამრავი სხვადასხვა ტიპის ინფორმაცია და მონაცემები, რომლის უბრალო გაფიქრებაც კი ადამიანს შეზარავს. შემიძლია გითხრათ, მართალია კადრების თანხლებით არ იქნება ჩემი საუბარი, მაგრამ წარმოიდგინეთ, როდესაც პატიმარს აყურებინებდნენ საკუთარი ოჯახის წევრის გაუპატიურებას. წარმოიდგინეთ შემთხვევა, როდესაც ადამიანი ყელამდე ჰყავთ მიწაში ჩაფლული და მის თავზე, ასე ვთქვათ, ბუნებრივ მოთხოვნებს იკმაყოფილებენ", - განაცხადა საქართველოს მთავარმა პროკურორმა არჩილ კბილაშვილმა გუშინ, ტელეკომპანია "რუსთავი 2"-ის პირდაპირ ეთერში.