უსამართლო, ახირებულ და უსაფუძვლო ბრალის დადებას თუ ეჭვიანობსა ეძახიან, მაშინ რატომ უნდა ერქვას ეჭვიანობა სამართლიან, ბუნებრივ გრძნობას, დამყარებულს საღ მოსაზრებაზე და უტყუარ ფაქტებზე. მას სხვა სახელი უნდა გამოეძებნოს.

ეჭვიანობა ხშირად ადამიანის ხასიათიდან გამომდინარეობს და ყოველთვის როდია მგზნებარე ვნების მაუწყებელი. მაგრამ წარმოუდგენელია ძლიერი სიყვარული აუღელვებელი და არხეინი.

ადამიანები, რომელნიც არ არიან დარწმუნებული სიყვარულში, მხოლოდ თვითონ იტანჯებიან. ეჭვიანები თვითონაც იტანჯებიან და სხვასაც ტანჯავენ.

ქალებზე, რომლებიც არ გვინდობენ და ეჭვიანობის მიზეზს არ გვაცილებენ, არც ვიეჭვიანებდით, ჩვენი გრძნობები მათ ხასიათსა და მოქმედებაზე რომ იყოს დამოკიდებული და არა ჩვენს გულზე.