ერთი დღე ასე ქვია 2011 წელს გამოსულ ფილმს რომელიც ჩემი ერთ-ერთი საყვარელი ფილმი გახდა.ეს ფილმი არის ქალისა და კაცის, ემასა და დექსტერის ურთიერთობაზე.ემა უცხო ენებზე სწავლობს და უნდა რომ შეცვალოს მსოფლიო უკეთესობისკენ.ხოლო დექსტერი არის ფლეიბოი, ბედის ნებიერა და უნდა რომ მსოფლიო მას ეკუთვნოდეს..ისინი ერთმანეთს 15 ივლისს შეხვდებიან კოლეჯის გამოსაშვებ საღამოზე და მთელ დღეს ერთად გაატარებენ, ღამე კი გადაწყვეტენ რომ მეგობრებად დარჩნენ.ამის შემდეგ ისინი კიდე მრავალი წელი შეხვდებიან ყოველ 15 ივლისს, მაგრამ ძალიან გვიან ხვდებიან რომ მათ ერთმანეთი უყვართ ....

ფილმის სლოგანია: არ დათმო შენი სიყვარული! თავად ფილმი კი გვაჩვენებს თუ რა ხდება როცა არ უფრთხილდები, არ იცავ შენს სიყვარულს..იმ დროს როცა ძალიან ბევრი ადამიანი ოცნებობს იმაზე რომ უბრალოდ უყვარდეს, ღმერთმა აგირჩია შენ მათ შორის, გიბოძა ეს ჭეშმარიტი გრძნობა და შენ მას უარყოფ და სადღაც გულის სულ პატარა კუნჭულში მოისვრი... ამის გამო აუცილებლად დაისჯები...სწორედ ესაა ამ ფილმის მთავარი აზრი.სწორედ ასე მოიქცნენ ფილმის მთავარი გმირები, წლების განავლობაში მალავდნენ, არ ამჟღავნებდნენ და არ უფრთხილდებოდნენ თავიანთ სიყვარულს, მას უახლოესი მეგობრობის ფარდას აფარებდნენ და მთელი ეს წლები ამის გამო იტანჯებოდნენ..საბოლოოდ რჩება ტკივილი, ცრემლები და მოგონებები იმ პირველი შეხვედრისა, იმ პირველი 15 ივლისისა როცა დაიწყო ყველაფერი..