“მხოლოდ შენთვის"

მომღერალმა, რომელსაც სოლო კონცერტი უნდა ჩაეტარებინა, მიმართა თავის საცოლეს:

-ჩემო ძვირფასო, ხვალინდელი დრე ძალზე მნიშვნელოვანია, მე ვიმღერებ მხოლოდ და მხოლოდ შენთვის!"

-ნუ ღელავ საყვარელო, -ანუგეშა იგი ქალიშვილმა, -იქნებ ჩემს გარდა კიდევ მოვიდეს რამდენიმე კაცი.

“მოხერხებული ადმინისტრატორი"

კინოთეატრის ადმინისტრატორმა ფილმის დაწყების წინ გამოაცხადა:

-ქალბატონებს მივმართავ თხოვნით, მოიხედოთ მაღალი შლაპები!დარბაზში არც ერთი ქალი არ განძრეულა.მაშინ ადმინისტრატორმა დაუმატა:

-რა თქმა უნდა, ხანდაზმულ ქალბატონებს ეს არ ეხებათ.მაშინვე ყველა ქალმა მოიხადა შლაპა.

“უხერხული სიტუაცია"

მაყურებელი მის გვერდით მჯდომ უცნობ მამაკაცს მიუბრუნდა და მომღერალი ქალი გააკრიტიკა:

-რა საშინელი ხმა აქვს, ხომ არ იცით ვინ არის იგი?

-როგორ არა, ჩემი ცოლია-უპასუხა უცნობმა.

-ოჰ, მაპატიეთ, რა საკვირველია, მას არ აქვს ცუდი ხმა, მაგრამ რა მისი ბრალია, სიმღერაა ძალიან ცუდი, ნეტავ ვინ დაწერა ეს საშინელი სიმღერა?

-მე დავწერე-მიუგო მამაკაცმა.

“გულისამაჩუყებელი ზრუნვა"

როიალის თაობაზე გეახელით, ქალბატონო, ამწყობი ვარ.

-მაგრამ...ჩემი როიალი სრულ წესრიგშია, მე თქვენ სრულიადაც არ გამომიძახებიხართ.

-სრული ჭეშმარიტებაა, მაგრამ თქვენი მეზობლები...სწორედ მათ მთხოვეს თქვენთან მოსვლა.

“გაუგებრობა"

დედა მცირეწლოვან შვილს ქუჩაში ასეირნებდა.ამ დროს მომღერალთა გუნდმა ჩაიარა, წინ დირიჟორი მიუძღვოდა.

-წინა კაცი ჯოხით დანარჩენებს რად ემუქრება?-იკითხა ბავშვმა.

-კი არ ემუქრება, დირიჟორობს-მიუგო დედამ.

-თუ არ ემუქრება, მაშ რაღა აყვირებთ-გაიოცა ბავშვმა.

“სიმღერის წყალობით"

-მისტერ ჯორჯ, მე გავიგე, რომ თქვენს ქალიშვილს გადაუწყვეტია მომღერალი გახდეს და მუსიკის გაკვთილებს იღებს.როგორი წარმატება აქვს?

-შესანიშნავი.მისი წყალობით თითქმის მუქთად ჩავიგდე ხელში ორი მეზობლის ბინა.