აუგუსტინ ტებული (Augustin Teboul) ფოტო 2. ბერლინის მოდის კვირეულის განძია. ამბიციური დიზაინი განსაკუთრებული საშემსრულებლო სიზუსტით გამოირჩევა. ყაისნაღით ნაქსოვი ერწყმის მაქმანს. ნაქარგები თანამედროვე და ელეგანტურია. ყორნისფერი ტყავი, ჯინსი და აბრეშუმი, სვაროვსკის ბროლით მოკაზმული. ეს ბრენდი გერმანელი Augustin Annelie–ის და ფრანგი Odély Teboul -ის დაარსებულია ბერლინის ესმუდის (esmod 10EA) სადიზაინერო სასწავლებლში სწავლისას.

Dawid Tmaszewski იშვიათი ნიჭით გამორჩეულ დიზაინერთა რიცხვს მიეკუთვნება. მისი ყოველი ჩვენება ზღაპრულ სამყაროში იტაცებს მაყურებელს და სპექტაკლის დრამატულ განვითარებას ჰგავს, არა მარტო განხორციელებული ჩანაფიქრის სიღრმით, არამედ განუმეორებელი ოსტატობით შესრულებული ვიზუალური მხარითაც. (ფოტო3) 2013 წლის ზაფხულის კოლექციის შთაგონების წყარო პორტუგალია გახლდათ. ფადოს მელანქოლიური ჰანგები, აზულეჯო (Azulejo) მოზაიკები და ედუარტო ნერის (Eduarto Nery) გრაფიკა წლევანდელი კოლექციის თანმხლები იყო.

კავია გუში (Kaviar gauche) 2004 წელს გამოჩნდა გერმანული მოდის სამყაროში. გერმანელ კინოვარსკვლავთა შორის ძალიან პოპულარულია ჰაეროვანი აბრეშუმის საღამოს კაბები პასტელის ბაც ფერებში, რომელიც მდოგვის ფერთა გამას ერთვის.

Hugo Boss

ხუთ ივლისს გერმანიაში სხვებთან ერთად კომერციულად წარმატებული დიზაინერებიც წარდგნენ: რენა ლანგე (rena lange), ლაურელ( Laurel), მარკ კაინ ( Marc cain) და სხვები. მათ მომხმარებელთა კონტინგენტი შემოქმედებითი ენთუზიაზმით არ ეკიდება ჩაცმა-დახურვის რიტუალებს. თუმცა მოდის ინდუსტრიის ბაზარმა წარმატებით აითვისა ეს ბრენდებიც. ელეგანტური ესთეტიკა კომერციული ბრენდების მაქსიმებად არ ითვლება, მაგრამ, მოდის ამგვარ მოვლენების გამოვლინებას გარკვეული წილი მიუძღვის კლასობრივი საზოგადოების გაუქმებაში, რომელშიც ყველა, განურჩევლად გემოვნებისა თავის როლს და ადგილს იმკვიდრებს.

fotos :www.mbfashionweek.com