ქორწინება ცხოვრების მთავარი და ლამაზი მოვლენაა.

2012 წელს ჰოლივუდში რამდენიმე ვარსკვლავური წყვილის ქორწილი გაიმართა.

გათხოვდა მომხიბვლელი დრიუ ბერიმორი, მისი რჩეული უილ კოპელმანი გახლავთ. პატარძალს Chanel-ის თეთრი კაბა ემოსა.

დრიუ ბერიმორისთვის ეს მესამე ქორწინებაა, თუმცა პირველ შვილს ის უილისგან ელოდება.

ოსკარი-2012 დაჯილდოების შემდეგ, სადაც ნატალი პორტმანი და ბენჯამინ მილეპია ნიშნობის ბეჭდებით ხელდამშვენებული გამოცხადნენ, ჰოლივუდში გაჩნდა ხმები მათი ფარული დაქორწინების შესახებ, თუმცა წყვილი დეკემბერში კალიფორნიაში დაქორწინდა ებრაული ტრადიციების სრული დაცვით.

ენ ჰეტევეი გაყვა ადამ შულმანს, წყვილი ოთხი წლის განმავლობაში ხვდებოდა ერთმანეთს. ცერემონია გაიმართა კალიფორნიის სანაპიროზე, მას ასამდე მოწვეული სტუმარი ესწრებოდა.
პატარძლის კაბა კი ენის დიდი ხნის მეგობარმა ვალენტინო გარავანიმ შეკერა.

საყვარელ ქალბატონებთან ერთად საკურთხეველთან მივიდნენ
ვარსკვლავი-მამაკაცებიც: მეთიუ მაკკონაჰი დაქორწინდა თავისი შვილების დედაზე კამილა ალვესზე.

ჯასტინ ტიმბერლეიკი კი დიდი ხნის მეგობარ გოგონაზე მსახიობ ჯესიკა ბილზე დაქორწინდა.

საპატარძლო Giambattista Valli Haute Couture-ის ვარდისფერ კაბაში იყო გამოწყობილი და მას ტრადიციული ფატა ამშვენებდა.


წლის ყველაზე იდუმალი ქორწილი კი ბლეიკ ლაივლის და რაიან რეინოლდსის საიდუმლო დაქორწინება გახლდათ. მსახიობებმა ცერემონიაზე მხოლოდ უახლოესი მეგობრები დაპატიჟეს.

ბლეიკს კი მოდური სახლის Marchesa-ს კაბა ეცვა, რომელიც მხოლოდ ერთ ეგზემპლიარად შეიკერა.

Google -ის სტატისტიკის მიხედვით ჯესიკა ბილის და ჯასტინ ტიმბერლეიკის ქორწილმა მომხმარებელთა ყველაზე დიდი დაინტერესება გამოიწვია.