მაკიაჟი და ვარცხნილობა საახალწლო მაკიაჟი-დიზაინერთა ჩვენებებიდან 2012, 31 დეკემბერი, 13:32 მიმდინარე წლის ბოლო ღამის წვეულებისთვის მაკიაჟისთვის კაშკაშა ფერების არჩევა და მათი შეხამება არამარტო ეფექტური, არამედ დროულიც არის.
საახალწლო ღამისთვის მეტად შესაფერისია მაკიაჟი ოქროსფერ ფერებში. Barbara Bui-ის შემოდგომა-ზამთრის ჩვენებაზე მოდელები ოქროსფრად ბრწყინავდნენ და სადღესასწაულო განწყობას ქმნიდნენ. ![]() ![]() შეგიძლიათ აირჩიოთ ოდნავ შესამჩნევი აქცენტები: მსუბუქი ფერი ღაწვებზე და ოქროსფერი ლაქი, როგორც Dior-ის ზამთრის კოლექციის ჩვენებაზე, ან გაიმეოროთ Kinder Aggugini-ის ლონდონური ჩვენების მაკიაჟი და ოქროსფერით დაფაროთ ტუჩები. ![]() ![]() გაიმეორეთ Michael Van der Ham-ის ჩვენებისას წარმოდგენილი ვარიანტი, თვალები ოქროსფერი "ფოლგით" დაამშვენეთ და თქვენ წვეულების ვარსკვლავი იქნებით. ![]() საახალწლო წვეულებისთვის შესაფერისია თვალის ჩრდილები ფუტურისტული ჰოლოგრაფიული ეფექტით. თვალის მაკიაჟისთვის გამოგადგებათ ლურჯი, მწვანე და იისფერი კაშკაშა ჩრდილები მეტალის ბზინვარებით. განსხვავებულ ვარიანტებს გვთავაზობენ John Galliano, Roberto Cavalli და Prabal Gurung-ის ჩვენების ვიზაჟისტები. პეტ მაკგრატმა John Galliano-ს შოუსთვის შექმნა ზღაპრული მაკიაჟი, მან ძირითად ფერად აირჩია ფირუზისფერი, იისფერი და შავი, ხოლო Roberto Cavall-ის ჩვენებაზე კი მოდელების თვალები მწვანე-იისფერი ჩრდილებით შეღება. ![]() ![]() Prabal Gurung ![]() გაითვალისწინეთ, რომ საახალწლო მაკიაჟის გაკეთებისას ძირითადი წესი უცვლელი რჩება-აქცენტი გააკეთეთ სახის ერთ ნაწილზე, მაგ. თვალზე, ტუჩზე..-და რადგანაც აღნიშნულ შემთხვევაში საუბარია თვალებზე, ტუჩებს არ შეეხოთ ან ოდნავ გაიღიავეთ. 155 3-ს მოსწონს
|