ქუთაისში ჩასულ პრეზიდენტს სიტყვიერი შეურაცხოფა მიაყენეს. ნაციონალური მოძრაობის ოფისში მყოფ მიხეილ სააკაშვილს გარეთ მიმდინარე საპროტესტო აქციის მონაწილეებმა შენობის დატოვების საშუალება არ მისცეს და მისი ვიზიტი გააპროტესტეს.

სიტუაცია იმდენად დაიძაბა, რომ დაცვამ მანქანა პირდაპირ ოფისის კართან მიაყენა, თუმცა გარეთ შეკრებილები ქვეყნის პირველი პირის ავტომობილსაც გაეკიდნენ.მოგვიანებით შეხლა-შემოხლა აქციის მონაწილეებსა და დეპუტატებს შორის გაგრძელდა.ადგილზე მყოფებმა სიტყვიერი შეურაცხოფა აკაკი მინაშვილსა და მარიამ საჯაიასაც მიაყენეს, რასაც მინაშვილის მხრიდან საპასუხო რეაქცია მოჰყვა.