რუსული მედია აქტიურად ალაპარაკდა ჯგუფ А-Студио-ს ქართველი სოლისტის, ქეთა თოფურიას დაოჯახების შესახებ. ცოტა ხნის წინ მოსკოვში "საშობაო საღამოები" გაიმართა. სწორედ ამ საღამოებზე გავრცელდა პირველად ინფორმაცია ქეთას მალულად დაქორწინების შესახებ. ქორწილი ყველასგან დაფარულად შედგა და მას წყვილის ახლო მეგობრები ესწრებოდნენ.

26 წლის მომღერალი და მისი რჩეული 3 წელი ხვდებოდნენ ერთმანეთს და როგორც ჩანს, გადაწყვიტეს, ურთიერთობები ოფიციალურად გაეფორმებინათ.

თებერვალში საქართველოში ყოფნის დროს ჟურნალ "რეიტინგისთვის" მიცემულ ინტერვიუში, ქეთა თოფურია აცხადებდა, ებრაელ მილიონერზე, 37 წლის ლევ გეიხმანზე, ფაქტობრივად, გათხოვილია და მზადაა, რომ საყვარელ მამაკაცს შვილიც გაუჩინოს. ისინი 2010 წლიდან ხვდებიან ერთმანეთს.