საქართველოს ჩოგბურთის ფედერაციამ საანგარიშო-საარჩევნო ყრილობა გაიმართა და დელეგატებმა ფედერაციის ახალი პრეზიდენტი აირჩიეს.

ბოლო 17 წლის განმავლობაში, ჩოგბურთის ფედერაციას ლეილა მესხი პრეზიდენტობდა, რომელსაც ამჯერად ალექსანდრე მეტრეველი ეცილებოდა სავარძელს.

ხმის მიცემის უფლების მქონე 60 დელეგატიდან არჩევნებს 58 დაესწრო. აქედან, 33-მა მეტრეველი ისურვა პრეზიდენტად.

ამრიგად, ქართულ ჩოგბურთს ახალი თავკაცი ჰყავს. მომდევნო 4 წლის განმავლობაში, ფედერაციას მეტრეველი უხელმძღვანელებს.