ნაციონალური მოძრაობის ოპოზიციაში გადასვლის შემდეგ სოფო ნიჟარაძე ყურადღების ცენტრშია. ჟურნალისტები დიდი ინტერესით აკვირდებიან მის გადაადგილებასაც, როდის ტოვებს და ბრუნდება მომღერალი საქართველოში იმასაც კი ატყობინებენ საქართველოს მოსახლეობას. სოფომ თავის ფეისბუქის ოფიციალურ გვერდზე განცხადება გააკეთა ამასთან დაკავშირებით, გთავაზობთ განცახდებას: "დიდი მადლობა, რომ განიცდით ჩემს მომავალს, მაგრამ მოდით, ჩემს საქმეს მე მივხედავ, არსად არ მივდივარ და არავისი არ მეშინია, ან რისი უნდა მეშინოდეს? კონცერტების დაფინანსებას რაც შეეხება, მე სოლოკონცერტი არ მქონია და არავის დაუფინანსებია, ასე რომ, დაწყნარდით და საქმეს მიხედეთ, ხო, ახლა ჩემზე ბევრად უფრო "საინტერესო" ამბები ხდება ქვეყანაში და "ისიამოვნეთ"." მის ამ მინაწერს უამრავი ადამიანი გამოეხმაურა, მათ შორის იყო ნინა წკრიალაშვილიც, რომელმაც დაწერა რომ სოფო არსად არ წასულა და ან რატომ უნდა წავიდეს, ერთ-ერთი მეგობარი ამბობს, რომ მეორე სოფოს საქართველო ვერასდროს იპოვის და უნდა გაუფრთხილდეთ. მას ერთ-ერთი მეგობარი კი ეუბნება სოფოს, რომ ვიღაც პარიზის ბინის პატრონი დასდევს და ფულს როდის მიუტანს, სოფო მას ასე პასუხობს: უთხარი, რომ ამ კვირის ბოლოს დავფარავ, მაგრამ ისე აქ არ უნდა დაგეკონკრეტებინა ჩემი მომავალი ადგილსამყოფელი. თან გუშინ ის ყელსაბამი გავყიდე, საქართველოს ბიუჯეტის ფასი რომ აქვს და ახლა მაგით ვგეგმავ ცხოვრების აწყობას.