დილმა რუსეფი გახდა ბრაზილიაში პირველი ქალი პრეზიდენტი. საპრეზიდენტო არჩევნები ბრაზილიაში 2010 წლის ოქტომბერში გაიმართა, ხოლო ახალი პრეზიდენტის ინაუგურაცია 2011 წლის 1 იანვარს ბრაზილიის პარლამენტში ჩატარდა. ინაუგურაციამდე პარლამენტში მიმავალ რუსეფის კორტეჟს 70 ათასი ბრაზილიელი მოქალაქე ოვაციებით შეეგება ქუჩაში. ინაუგურაციის დასრულების შემდეგ დილმა რუსეფმა მადლობა გადაუხადა ბრაზილიაში უზომოდ პოპულარულ აწ უკვე ექს-პრეზიდენტ ლულა და სივას და პირობა დადო, რომ მომავალში მისი პოლიტიკის გამგრძელებელი იქნებოდა.