* * *
პირველი პილოტი დავალების შესასრულებლად ემზადება:

– შტურმანო, მედესანტეები მზადყოფნაში არიან?

– კი, ორი უკვე გადახტა.

– დებილო, ჯერ არ ავფრენილვართ!

* * *

ბირთვის კვრაში შეჯიბრებაზე ერთი სპორტსმენი მეორეს ეუბნება:

– დღეს მაგრა უნდა მოვინდომო.

– რატომ?

– ტრიბუნაზე ჩემი სიდედრი ზის.

– ჰოო, საშიშია, ამ სიშორიდან შეიძლება ააცილო.

* * *

ქმარი მოულოდნელად დაბრუნდა მივლინებიდან და ხედავს, რომ მისი ცოლი უცხო კაცთან ნებივრობს ლოგინში.

– აქ რას აკეთებთ?! – იყვირა ქმარმა.

– სულ ასე მჭრის თავს, – ეუბნება ცოლი საყვარელს, – მოიდებილებს ხანდახან თავს, ვითომ ვერ ხვდება.

* * *

ფსიქიატრის კაბინეტში პაციენტი ხოხვით შევიდა. ფსიქიატრი დაყვავებით მიმართავს:

– აბა, ვინ შემოცოცებულა ჩემს კაბინეტში, ხვლიკი?

– არა, – კბილებს აკაწკაწებს პაციენტი.

– გველი?

– არც ერთი, ექიმო, უბრალოდ, სიმაღლის შიში მაქვს.

* * *

ცნობილი კინოვარსკვლავი ქალი და ცნობილი მწერალი ქალი ერთმანეთს ხვდებიან.

– შენი ბოლო მოთხრობა წავიკითხე, ვინ დაგიწერა? – ირონიით ეკითხება კინოვარსკვლავი მწერალს.

– ჯერ შენ მითხარი, ვინ წაგიკითხა?

* * *

– შენ ჭკვიან კაცად გიცნობენ და ხომ ვერ მეტყვი, უფოლოგია მეცნიერება უფროა თუ რელიგია?

– ბიზნესი.

* * *