ვებ-რესურს Imdb.com-ზე გამოქვეყნებული ინფორმაციის თანახმად, ქართველი რეჟისორი ნიკოლოზ ხომასურიძე ჰოლივუდში ფილმს გადაიღებს რომელსაც “ჯინსების თაობა'' ერქმევა. ფილმი რეალური ამბების გარდა, დათო ტურაშვილის ამავე სახელწოდების წიგნსაც დაეყრდნობა.

რაც შეეხება სამსახიობო შემადგენლობას, Imdb-ის ცნობებით, ფილმში ჰოლივუდის ვარსკვლავები ითამაშებენ - ჯეისონ ფლემინგი, არმან ასანტე და ვეტერანი სტივენ ბერკოფი.

ბერკოფი ედუარდ შევარდნაძის როლს შეასრულებს, ასანტე - ჰეიდარ ალიევისას, ფლემინგი კი მამა თევდორე ჩიხლაძეს განასახიერებს.

როგორც ტრაგედიის მონაწილე პირები აცხადებენ, სცენარი უნდა დაიწეროს რეალურ ისტორიაზე და ის არ უნდა დაემსგავსოს ჰოლივუდურ ბლოგბასტერს, როგორც მოხდა "აგვისტოს 5 დღის" შემთხვევაში.