წამყვანი საიუველირო სახლების იუველირები გამუდმებით გვახსენებს, რომ ზღაპრები სჭირდებათ არამარტო პატარა გოგონებს, არამედ ზრდასრულ ქალბატონებსაც: მაგ. Van Cleef&Arpels სამკაულების კოლექცია მიუძღვნა "გედების ტბის" გმირებს, ხოლო ცნობილმა შვეიცარულმა კომპანიამ Chopard კოლექცია დისნეის პრინცესებს მიუძღვნა.

კოლექციის შესაქმნელად გაერთიანდნენ Chopard და ცნობილი ბრიტანული უნივერმაღი Harrods, რომლის ვიტრინები ცოტა ხნის წინ გალამაზდა კონკიას, ქალთევზას, პოკაჰონტასის, მულანის, ფიფქიას და დისნეის სხვა საყვარელი პერსონაჟებით, რომლებიც საუკეთესო დიზაინერების სამოსში არიან გამოწყობილი.

როგორც Chopard-ის პრეზიდენტმა და არტ-დირექტორმა კაროლინა გრუოზი-შოიფელემ განაცხადა, დისნეის მულტფილმები დიდი ხანია მისი შთაგონების წყარო იყო, ამიტომ ის სიამოვნებით დათანხმდა Harrods-თან ერთობლივი კოლექციის გამოშვებას. "ძალიან ბედნიერი ვარ, რომ მომეცა შესაძლებლობა დისნეის პრინცესებისთვის მიმეძღვნა საიუველირო ხელოვნების ნიმუშები"-განაცხადა მან.

კოლექცია მოიცავს ათ სამკაულს. ფიფქიას ბეჭედი ვაშლის ფორმისაა, ბელის ყელსაბამი მულტფილმიდან "მზეთუნახავი და ურჩხული" ეძღვნება მის ლეგენდარულ ყვითელ საღამოს კაბას, "რაპუნცელის" ყელსაბამი კი ჯადოსნური გმირის გრძელ ოქროსფერ თმებს.

Snow-White

Belle

კონკია

პრინცესა და ბაყაყი

Tangled