“ცეკვავენ ვარსკვლავების" მეორე სეზონში ბევრი პროგრესული და ძლიერი კონკურსანტი მონაწილეობს, მათ კატეგორიას განეკუთნება ანი ჯაჯანიძის და რატი წითელაძის ვარსკვლავური წყვილი. რატი ევროპის და მსოფლიოს ჩემპიონია აღმოსავლურ ორთაბრძოლებში, მან თავი საზოგადოებას თავისი თამამი ფოტოებით დაამახსოვრა, რის შემდეგაც მათ თვალში მექალთანის იმიჯი მოირგო.

თუმცა პროექტ “ცეკვავენ ვარსკვლავები"-ს მაყურებელმა სხვა კუთხითაც გაიცნო, როგორც შრომისმოყვარე და პასუხისმგებლობის გრძნობით აღსავსე ადამიანი. ამასთან ერთად რაც არ უნდა გასაკვირი იყოს მას ძალიან კარგად გამოსდის სამეჯლისო ცეკვები, რაც ჟიურის ქულებზეც აისახება.

პროექტის საწყის ეტაპზე ერთ-ერთი ცეკვის შემდეგ ნანუკა ჟორჟოლიანმა წყვილს კითხვით მიმართა ხდებოდა თუ არა მათ შორის რაიმე, რის შემდეგაც მეორე ორშაბათს ნანუკამ ბოდიში მოიხადა უხერხული შეკითხვის დასმი გამო.

როგორც აღმოჩნდა ანი ჯაჯანიძე დაოჯახებულია ( პირდაპირი ეთერიდან მან თავის ქმარს დაბადების დღე მიულოცა) თუმცა ჟიურის წევრებს არაერთხელ აღუნიშნავთ რომ ეს წყვილი ყველაზე ვნებიანია და შესაბამისად ყველაზე კარგად მოაქვთ გრძნობა მაყურებლამდე.

ანის მეუღლე სამეჯლისო ცეკვების მოცეკვავე გიორგი რუხაძეა და წყვილი თავს ერთად ბედნიერად გრძნობს.

რატი კი სინანულს გამოთქვამს, რომ პროექტში ერთი გათხოვილი ქალია და ისიც მისი მეწყვილე აღმოჩნდა.