როგორ გაჩნდა შამპანურის ბოკალი .
ლეგენდის თანახმად, შამპანურის ბოკალი, რომელიც ბევრს სანაყინე ლარნაკი ჰგონია, შეიქმნა საფრანგეთის დედოფალ მარია - ანტუანეტას მკერდის ფორმის მიხედვით.
ეს ქალბატონი საფრანგეთში XVIII საუკუნის ბოლოს ცხოვრობდა. მან მიატოვა სამშობლო და მამა - ავსტრიის იმპერატორი ფრანცი, რათა ცოლად გაჰყოლოდა ლუდოვიკო XVI - ს.
ზუსტადაა ცნობილი, რომ მარია გასართობად საარაკო თანხებს ხარჯავდა. საფრანგეთის ბიუჯეტს წყალი შეუყენა, როცა მინისტრებმა მოინდომეს ანცი დედოფლის შეჩერება, კინაღამ ადგილები და თავები დაკარგეს.
სამაგიეროდ, დედოფლის შემწეობით ქვეყანაში აღორძინდა მეღვინეობა, განსაკუთრებით პოპულარობით სარგებლობდა ცქრიალა ღვინო - შამპანური, რომელიც ლხინში მდინარესავით მოედინებოდა.
ერთ - ერთი ასეთი თავშეუკავებელი ლხინის ვიღაცამ მოისაზრა - შეექმნათ შამპანურისთვის საგანგებო სასმისი.
ახალ სასმისს საფუძვლად დაედო დედოფლის მკერდი, რომლისგანაც ზუსტი ასლი გადაიღეს და ნატიფი ფეხიც დაუმატეს. ამ დღიდან შამპანურის სმა ახალი, ორიგინალური სასმისით დაიწყეს.
